Politika -
Heriotza
Enrique Villar hil da, Gobernuaren ordezkari ohia Euskal Herrian
PPko iturriek adierazi dutenez, Villar "oso gaixo" zegoen. Hilobiratzea bihar egingo da Logroñon eta hileta, ordea, datorren astean hiri berean.
Erredakzioa
Enrique Villar Gobernuaren ordezkari ohia Euskal Herrian hil da egunsentian, minbiziak jota, PP alderdiaren iturriek adierazi dutenez.
Alderdikideek esandakoaren arabera, Villar "oso gaixo" zegoen eta Logroñon ospitaleratuta zegoen.
Hilobiratzea bihar egingo da Logroñon eta hileta, ordea, datorren astean hiri berean. Dena den, Gasteizen beste hileta bat egitea izan daiteke, Euskal Herrian Gobernuaren ordezkaria izan zen bitartean hiri honekin izan zuen harreman estua dela eta.
Arabako PPk adierazitakoaren arabera, Ramón Rabanera, Pepa Lafuente eta Javier De Andres, besteak beste, oso triste daude, euskal politikaren "urte gogorrak" elkarrekin pasatu zituztelako.
Carlos Urquijo PPko euskal parlamentariak adierazi duenez, Enrique Villar "bihozbehera" zen eta "erdi-eskuineko zati garrantzitsu bat" joatea deitoratu du.
Jarduera
Villar zortzi urtez izan zen Gobernuaren ordezkaria Euskal Herrian, 1996tik 2004ra. Oso kritikoa izan zen gobernu nazionalistekin eta 1999an "hiltzaileak" deitu zion EAJ eta Eari, Euskal Herritarrokekin paktuak egiteagatik. Hainbatetan ETAri laguntzea leporatu zion Villarrek EAJri.
Urte horretan bertan Eusko Jaurlaritzak kargua uztea eskatu zion euskal erakundeak ez errespetatzeagatik, Juan Jose Ibarretxeren kontsultaren kontrako gaitzespena adierazi ostean.
1939ko abenduaren 18an Logroñon jaioa, injineru agronomoa zen Villar.