Epailea: "Guztiei burla egin die Matasek"

Jose Castro Palma Arena auziko epailearen ahotan, Jaume Matas Balearretako presidente ohiak "guztiei burla egin die, argi dago", 15 orduko iraupena izan zuen deklarazioan. Matas hiru milioi euroko fidantzapean kartzelara bidaltzeko agindua eman du gaur magistratuak. Inputatu gisa, egozten zaizkion gertakariak justifikatzeko erabilitako argudioak kritikatu ditu epaileak.

Ebazpenean, akusazioetaz defendatzeko ministro ohiak erabilitako argudioak kritikatu ditu Palmako epaitegietako magistratuak. "Eduki zehatza duen deklarazio batek 16 orduko iraupena nolatan izan dezake", galdetzera heltzen da epailea idazkian.

"Erantzuna argia da", adierazi du irmoki magistratuak emandako azalpenetan. Era berean, "galderak egiteko orduan erantzunetan baino denbora gehiago erabili izana", deitoratu du Castrok, "orokorrean erantzunik ez zutelako izan".

Madrilgo Salamanca auzoko etxebizitzari buruz emandako azalpenekin bereziki kritikoa izan da Castro, izan ere, ikerketen arabera, Bartomeu Reus izen-mailegatzailearen laguntza izan zuen erosteko. "Nahiz eta erugabetasun-presuntzioa izan, Matasek bere kontra diren froga ugariak desitxuratzeko azalpenak ematea espero genuen", esan du epaileak.