PP: "Batasunak esplizituki gaitzetsi behar du indarkeria"

Maria Dolores de Cospedal Alderdi Popularreko idazkari nagusiak esan du ezker abertzaleak "esplizituki" gaitzetsi behar duela "ETAren indarkeria eta talde terroristarekin zerikusia duen guztia".

Ezker abertzalearen azken dokumentuaren inguruan mintzatzeko De Cospedalek Toledon eskainitako prentsa aurrekoan adierazi duenez, biktimak aitortu behar dira eta zuzenbide Estatuak terrorismoarekin eta "ETAren mundu osoarekin" amaitu dezake Estatuko Segurtasun Indarrekin, ekintza judizialekin, nazioarteko harremanekin eta gobernuek ekintzekin.

Halaber, udal hauteskundeak egoteko gutxi falta denean "ETAtik hurbil daudenak agertzen dira hain txarrak ez iruditzeko xedez irtenbide eta alternatiba desberdinak proposatuz, hauteskundeetara aurkeztea lortzeko", adierazi du.

Horregatik, ETA hauteskundeetan egon ezin izateko "oso adi" egongo dira. "Hauxe da gure jarrera eta horrela eskatuko diogu Gobernuari", esan du De Cospedalek