Politika -
Hauteskunde orokorrak
Madrileko alderdiak ez direla fidatzekoak ohartarazi du Ortuzarrek
Ekainaren 26an egingo diren hauteskunde orokorrei begira "berriro ere Rajoy, Sanchez, Iglesias edo Riverarengan konfiantza izatea" merezi ote duen ala ez pentsatzea eskatu du.
Agentziak | Erredakzioa
EAJ alderdiko presidente Andoni Ortuzarrek euskal gizarteari gaur adierazi dionez, "hobe luke" Madrileko lau alderdiez (PP, PSOE, Podemos eta Ciudadanos) "ez fidatzea" eta haiengan berriro konfiantzarik ez jartzea; izan ere, bozen erabilera "negargarria" egin dute, eta ez dute Euskadiko interesik defendatzen.
Ortuzar Hauteskunde Orokorrei begira Arabatik Kongresurako zerrendaburua den Mikel Legardarekin batera aritu da lan-jardunaldi batzuetan, Gasteizeko EAJko udal-erakundeekin.
Ekainaren 26an egingo diren hauteskunde orokorrei begira "berriro ere Rajoy, Sanchez, Iglesias edo Riverarengan konfiantza izatea" merezi ote duen ala ez pentsatzea eskatu du.
"Ez dira fidatzekoak, ez dute gure konfiantza merezi, euren interesei begiratzen diete, eta, zoritxarrez, euren interesak ez dira geureak", nabarmendu du.
Ostera, bere aburuz, EAJ da Madrilen euskal herritarren interesak beste edozeren gainetik defendatuko dituen alderdi bakarra, "ohorerik egin gabe, presidenteordetzarrik edo ministeriorik eskatu gabe".
"Nahiago izan dute negoziazioek huts egin zezatela, aurkaria oker atera zedin", eta ohartarazi duenez, kontua da ea gauza bera gertatuko den ekaineko hauteskundeetan.
