Politika -
EAE-ko hauteskundeak
Idoia Mendia, Natalia Rojo eta Susana Corcuera, PSEren zerrendaburuak
Alderdiaren Batzorde Nazionalak asteazken honetan berretsi ditu hautagaitzak.
AGENTZIAK | ERREDAKZIOA
PSE-EEko Batzorde Nazionalak bilera egin du asteazken honetan Bilbon, EAEko hauteskundeetarako zerrendak onartzeko. Hain zuzen ere, Idoia Mendia (Bizkaia), Natalia Rojo (Araba) eta Susana Corcuera (Gipuzkoa) izango dira zerrendaburuak.
Mendiak ekitaldian adierazi duenez, hauteskundeetan sozialistak izango dira "berme bakarra", "herrialde honek bide subiranista ez abiatzeko".
"Ez dugu Katalunia edo Erresuma Batua izan nahi; Euskadi hobea izatea nahi dugu, eta denak batera baino ezingo dugu lortu", nabarmendu du.