Puellesen omenaldian hitzaldia eskainiko du Patxi Lopezek

Iazko ekainaren 19an, ETAk Eduardo Puelles polizia inspektorea hil zuen Arrigorriagan. Urte bat igaro denean, familiak ekitaldi berezia prestatu du egun horretarako. Besteak beste, Patxi Lopez lehendakariaren hitzak, olerki berezi bat, eta bideo bat eskainiko dute egun horretan. Aurretik, meza egingo dute, Bilboko Abusu-n. Arratsaldeko 19:00etan ekitaldia hasiko da, Arrigorriagako parkean (ETAk goiko aparkalekuan hil zuen Eduardo Puelles).

Lore eskaintza egin ondoren, Saturnino Garcia aktoreak egun horretarako egindako olerkia irakurriko du. Jarraian, lehendakariaren hitzaldia izango da, ondoren Puellesen senitartekoen hitzak eta poliziaren eta ETAren biktimen omenez egindako bideo bereziaren emanaldia.