Itxi

2016/11/06

14:19

Politika

Polizia operazioa

Baionako polizia-etxean jarraitzen dute oraindik hiru atxilotuek

Eitb.eus

Gehienez 96 orduz izan ditzakete bertan; horrenbestez, asteazkena baino lehen eraman beharko dituzte Parisera, instrukzio epaile baten aurrera deklaratzera.

1:04
  • Whatsapp
  • Whatsapp
  • Telegram
  • Bidali

Frantziako Poliziak, Guardia Zibilarekin lankidetzan, Mikel Irastorza ETAren talde logistiko-militarreko ustezko burua atxilotu zuen larunbat goizeko 6:00etan, Azkainen (Lapurdi). Berarekin batera Irastorza etxean hartu zuten 59 urteko gizonezko bat eta 56 urteko emakumezko bat ere atxilotu zituen poliziak, 'Nerin' operazioaren barruan.

Bai Irastorzak, bai bikoteak Baionako polizia-etxean jarraitzen dute oraindik, epailearen aurrean noiz eramango dituzten zain. Atxilotuak aipatu polizia-etxera eraman zituzten bikotearena den Lur Eder auzoko etxebizitza 10 orduz miatze-lanak bukatu eta gero.

Terrorismo kasuetarako Frantziako legedian jasotzen denaren arabera, gehienez 96 orduz izan ditzakete bertan; horrenbestez, asteazkena baino lehen eraman beharko dituzte Parisera, instrukzio epaile baten aurrera deklaratzera.

Bestalde, iturri judizialek jakitera eman dutenez, Irastorzak ez du ebatzi gabeko auzirik Espainian; beraz, Espainiak ezingo du haren estradiziorik eskatu.

Aipatu atxiloketak Parisko terrorismoaren aurkako fiskaltzak "helburu terroristak dituen gaizkile taldeko kide izateagatik" ireki duen aurretiazko ikerketa batean oinarrituta egin ziren.

  • Bisitatuena

      Kargatzen ikusiena
      Kargatzen ikusiena
    ;