Politika -
Ordezkapena
Auzitegi Nazionalak Garzonen hiru ordezko proposatu ditu
Ruiz Gutierrez lehentasunezko hautagaiak, Juana Chaosek terrorismoa goratu zuen ikertzea agindu zuen. Hori espetxetik irten ondoren, ekitaldi batean irakurri zuten gutuna hartu zuen abiapuntu.
Erredakzioa
Auzitegi Nazionaleko Gobernuko Gelak, Baltasar Garzon kargurako hiru ordezko proposatu ditu. Botere Judizialaren Kontseilu Nagusiak aldi baterako kargutik kendu zuen Garzon maiatzean eta egun, kanpo aholkulari lanak egiten ditu Hayako Nazioarteko Zigor Gorteko Fiskaltzan.
Proposatutako epaileak honakoak dira: Pablo Ruiz Gutierrez Collada Villalbako Lehen Auzialdiko eta Argibideetako Epaitegiko titularra; Carmen Lamela Diaz Madrileko Probintzia Auzitegiko epailea; eta Carmen Rodriguez-Medel Nieto Marbellako Emakumeen aurkako indarkeriako epailea.
Gobernuko Gelak, ANean egondako Ruiz Gutierrezen hautagaitza lehenetsi du eta ondoren Lamela Diezanena eta Rodriguez-Medel Nietorena, hurrenez hurren.
Ruiz Gutierrez lehentasunezko hautagaiak, De Juana Chaos ETAko preso ohiak terrorismoa goratu zuen ikertzea agindu zuen. Espetxetik irten ondoren, ekitaldi batean irakurri zuten gutuna hartu zuen abiapuntu.
Orain, Botere Judizialaren Kontseilu Nagusiko batzorde iraunkorrak erabakiko du nor izango den Garzonen ordezkoa Auzitegi Nazionaleko 5. Argibideetako Epaitegi Zentralean.
