Auzipetuak karneta ematea aztertzen ari dira, Gerenabarrenaren arabera

Iñaki Gerenabarrena EAJren ABBeko presidenteak esan duenez, ustelkeria eta espioitza leporatuta auzipetuak dauden Arabako EAJren kargudun ohiak "erabateko irmotasunez" aztertzen ari dira alderdiaren kideen karneta ematea ikerketa "erabiltzen" ari direlako "EAJren kontra egiteko".

Radio Euskadin egindako elkarrizketa batean Gerenabarrenak esan du auzipetuen artean eztabaidan dagoela, "are errudunago direla irudikatzeko egiten ari diren epaiketa honetan", alderdiaren karneta ematea "jakin" badakitelako euren izena "alderdiaren kaltetan" erabiltzen ari direla, eta pausoa emanez gero, euren burua "errudun bezala" aurkeztuko dutela ematen du.

Halaber, azaldu duenez, auzipetuek badakite "zenbait alderditan operazio bat martxan dagoela EAJ edozein modura operazio horrekin lotzeko".

Gerenabarrenak salatu du "EAJri kalte egiteko asmoz ikerketa" erabiltzen ari dela eta auzipetuek "hori badakite eta, argi esaten dute" ez dutela nahi "erabiltzea EAJrekin zerikusirik ez duen gauza batekin lotzeko".

"EAJ ez da etekinik atertzen ari inolako espioitza saretik, ez dugu inoren txostenik eduki, ez inoren jarraipenik, ezta inoren txutxu-mutxurik ere. Sarerik badago, eta hori epaileak esango du, EAJk ez du irabazirik inolako ustelkeria kasutan, eta hori da erabat argi geratu behar dena", azpimarratu duenez.