Politika -
PP-PSE akordioa
Barreda: 'ETArekin harremanak izatea eta akordioa bateraezinak dira'
Ezker abertzalea 2011ko udal eta foru hauteskundeetara ez aurkezteko, "Alderdi Sozialistako ahots guztiak iritzi berekoak" izatea eskatu dio PPk Zapateroren Exekutiboari.
Erredakzioa
Leopoldo Barreda Euskadiko PPko bozeramaileak baieztatu duenez, "ETArekin edozein harreman izatea eta Euskadiko akordioa bateraezinak" dira eta terrorismoaren aurkako borrokan "jarrera argia" eskatu dio Zapateroren Exekutiboari.
Bilbon emandako prentsaurrekoan, Barredak esan du egun "ezinegona" nagusi denez, Gobernu zentralak "jarrera argia eta garbia" izatea "ezinbestekoa" dela. Hori horrela, bere alderdiak kartzelen politikaren inguruan edo ETArekin negoziatzen dauden galde ez dezan, Zapateroren Exekutiboak horiek "gezurtatu" behar dituela gaineratu du.
Barredaren hitzetan, "ez dute daturik" PSE eta ezker abertzaleak harremanak dituzten ala ez baieztatzeko.
Dena den, ezker abertzalea 2011ko udal eta foru hauteskundeetara ez aurkezteko, "alderdi Sozialistako ahots guztiak iritzi berekoak" izatea eskatu dio Zapateroren Exekutiboari.
Euskadiko PPko bozeramailearen hitzetan, "ETArekin politikoki negoziatzearen aldekoak badaude, Legea saihesteko aukera badago, ETA ez da desegingo eta ezingo dugu ETArekin amaitu".