ETAren iragarpena 'etsigarria eta nahikoa' ez dela uste du Confebaskek

ETAk "eraso-ekintza armaturik" egingo ez duela iragartzea euskal gizarteak behar eta eskatzen duenetik urrun dagoenez, "etsigarria eta nahikoa ez" dela uste du Confebask Euskal Entrepresarien Konfederakuntzak. &' || 'nbsp;

Indarkeria zein "mehatxu, xantaia edo estortsioen amaiera" aipatu ez izana gaitzetsi du Euskadiko patronalak ohar baten bidez.

Confebaskek nabarmendu duenez, "borroka eta norgehiagoka" aipatzen ditu oraindik. Beraz, enpresari elkartearen arabera, ETAk "oraindik ez du ulertu bidea ez dela inoiz indarkeria izango".