Politika -
Bigarren debekua
Auzitegi Nazionalak Bilboko manifestazioa debekatu du
Auzitegi Nazionalak 'Adierazi EH'k deitutako martxa debekatu ostean, Sabin Intxaurraga Eusko Jaurlaritzako sailburu ohiak (EA) beste deialdi bat erregistratu zuen ostegunean.
Erredakzioa
Arratsaldeko manifestazioa debekatu du Auzitegi Nazionalak eta Eusko Jaurlaritzako Herrizaingo Sailak gaur goizean jaso du autoa. Bilboko agerraldiak ''Adierazpen askatasuna. Eskubide guztiak guztiontzat'' leloa zuen.
Ismael Moreno Auzitegi Nazionaleko epailearen autoaren arabera, bigarren manifestazioak lehen deialdiaren debekua ekiditea du helburu.
Auzitegi Nazionaleko Fiskaltzak eskatu zuen 17:15erako deitutako martxa debekatzea.
Ekitaldia ez egiteko eta "delituzko ekintzarik" ekiditeko "beharrezko neurriak" hartzeko eskatu dio Morenok Eusko Jaurlaritzak Herrizaingo sailari.
Auzitegi Nazionalak Adierazi EH Plataformak deitutako manifestazioa debekatu ostean, beste bat erregistratu zuten Sabin Intxaurraga (EA) Eusko Jaurlaritzako sailburu ohiak eta atxikitze politikorik ez duen pertsona batek ostegun arratsaldean.
