Ibon Iparragirre presoak bizi duen 'muturreko egoera' salatu du Etxeratek

Etxerat presoen senideen elkarteak salatu duenez, Ibon Iparragirre larri gaixo dagoen preso ondarrutarraren egoera "muturrekoa" da. Haren esanetan, defentsa kopuru txikia du, hori dela eta, infekzio bat izateko arriskua handia du eta edozein infekziok bere heriotza eragin dezake.

Presoen senideen elkarteak emandako datuen arabera, pasa den irailean egin zioten azken analitikan 20 defentsa soilik antzeman zizkioten —Pertsona heldu osasuntsu batek 723 eta 1.124 defentsa artean izaten ditu—.

Egoera horren aurrean, preso ondarrutarraren askapena errazteko beren esku dagoen guztia egiteko eskatu die Etxeratek euskal erakundeei eta eragile politiko zein sozialei.

Bestalde, igande honetan elkarretaratze informatiboa deitu dute Ondarroan, 13:00etan.