Politika -

Akordioa

Legebiltzarreko Kontrol saioak ETBn eta eitb.com-en emitituko dira

40 minutuko emanaldia emitituko du ETBk. Legebiltzarreko taldeek galdera bana egingo diote Jaurlaritzari. Ordezkari gehien duen taldeak emango dio hasiera saioari (EAJ).

Erredakzioa

Whatsapp Facebook Twitter Telegram Email

Eusko Legebiltzarreko kontrol saioak ETBn emititzeko akordioari oniritzia eman dio gaur Bozeramaileen Batzordeak. "Urtebete aritu gara lanean hau lortzeko, eta, azkenik, lortu egin dugu. Zuzeneko emanaldi hauei esker Legebiltzarra eta hiritarrak gertuago egotea espero dugu", esan du Arantza Quiroga Legebiltzarreko presidenteak.

Hitzarmen honi esker, 40 minutuko emanaldia emitituko du ETBk. Legebiltzarreko taldeek galdera bana egingo diote Jaurlaritzari (aurretik, Bozeramaileen Batzordean galderak erabakiko dituzte). Ordezkari gehien duen taldeak emango dio hasiera saioari (EAJ).

Horrez gain, osoko bilkuretako gainontzeko puntuak eitb.com-en bidez emititzeko aukera ere eztabaidatuko dute EiTBrekin.

Azaroak 19ko Osoko Bilkurarekin ekimen hau martxan jartzea espero dute.

Hau zure interesekoa bada, baliteke beste gai hauek ere izatea