'Pajinen ezpainak ikusten ditudanean gauza bera pentsatzen dut beti'

Leire Pajin Osasun, Berdintasun eta Gizarte-politika ministro berriaren izendapenaren harira, Javier Leon Valladolideko alkateak esan du: "Pajinen aurpegia eta ezpainak ikusten ditudanean gauza bera pentsatzen dut beti".

Onda Cero irrati-katean egindako elkarrizketa batean Gobernu aldaketei buruz galdetu diote eta Osasun ministro berriari buruz ironiaz esan du: "Leire Pajin, oso ongi trebatuta dago; trebea eta zuhurra da; ezker-eskuin kondoiak banatuko ditu, eta baratzeko poztasuna izango da".

Pajini buruz esandakoekin bukatzeko, adierazi du: "Esan beharra daukat aurpegia eta ezpain horiek ikusten ditudan bakoitzean gauza bera pentsatzen dut beti, baina ez dut hemen esango".

Elkarrizketa horretan ere, Valladolideko alkateak Alfredo Perez Rubalcaba Gobernuko presidenteorde eta bozeramaile berriari buruz hitz egin du.

"Argiena da, zalantzarik gabe, eta horren adibide da GAL auzia bizi izan arren, belaunaldiz belaunaldi, Gobernuan mantendu dela", esan du.

Bere hitzek sortu duten eztabaida ikusita, Valladolideko alkateak "barkamena" eskatu dio Pajini, bere hitzak "gehiegizkoak" izan direlako. Horrez gain, Pajinen aurpegia marrazki bizidun baten antza daukala gaineratu du.

Hala ere, adierazpenak ez direla "zuzenak" izan nabarmendu du, eta, ondorioz, barkamena eskatu dio Pajini.