Politika -
Telefonicako azpiegitura
Arabako errepikagailu bati eraso egin diote, molotov koktelekin
Herrizaingo Sailak azaldu duenez, azpiegiturak jasan dituen kalteak oso handiak izan dira.
Erredakzioa
Ezezagunek Garaion (Araba) kokatuta dagoen Telefonicako errepikagailu bati molotov koktelekin eraso egin diote bart. Ertzaintzak ikerketa ireki du gertatutakoa argitzeko, baina kale borroka izan daitekeela uste dute, Herrizaingo Sailak azaldu duenez.
Goizeko 9:00etan izan du Ertzaintzak erasoaren berri. Ordu horretan, Telefonicako teknikariak errepikagailura joan dira, matxura bat konpontzeko. Kalteak ikusi dituztenean, Poliziari deitzea erabaki dute.
Herrizaingo Saileko iturriek azaldu dutenez, erasoaren ondorioz kalte handiak izan ditu instalazioak.
Hau zure interesekoa bada, baliteke beste gai hauek ere izatea