Politika -
Su-etena
Lehendakariari ez zaio 'axola' kargua galtzea bakea lortzen bada
Patxi Lopezek adierazi du ez litzaiokeela axola izango Lehendakaritza galtzea, horrek esan nahi badu "behin betiko bakea" lortu dela eta ezker abertzaleak "indarkeriarekin lotura hautsi" duela.
Erredakzioa
Patxi Lopez lehendakariak adierazi du ez litzaiokeela axola izango Lehendakaritza galtzea, trukean Euskadik "behin betiko bakerako bidean" aurrera egingo balu eta ezker abertzaleak "indarkeriarekin lotura hautsi duelako" hauteskundeetan parte hartu izango balu. "Los Desayunos de TVE" telebista-saioan gaur goizean egin dioten elkarrizketa batean, Gasteizko Gobernuko buruak ohartarazi du ETAk ez duela inoiz agiri bat publikatuko indarkeria behin betiko utzi duela iragartzeko, eta are gutxiago "akatsa eta porrota aitortzeko". Dena dela, gaur "atzo baino hobe" gaudela aitortu du.
Lopezen hitzetan, ETAk "barneratu" egin du haren amaiera "saihestezina" dela, ez duela ezer lortuko ulertarazi diotelako.
Bestalde, lehendakariak uste du ez dela garrantzitsua Batasunak ETAri eskakizunak egin izana, erakunde terroristak alderdi abertzaleari beharrean, eta ezker abertzaleak oraindik "ibilbide demokratikoa" egin behar duela iritzi dio.
