Politika -
Hurrengo egunetan
Gernikako Akordioaren sinatzaileak ETAko presoekin bilduko dira
Ainhoa Etxaidek (LAB), Oskar Matutek (Alternatiba) eta Maider Karrerak (EA) bilerei "oztoporik" ez jartzeko eskatu diete Espainiako eta Frantziako gobernuei. Bilerak hurrengo egunetan deituko dituzte.
Erredakzioa
Gernikako Akordioko alderdiek eta taldeek ETAko presoen ordezkariekin biltzeko asmoa agertu dute "bakeara bidean era eraginkorrean parte hartzeko aukera" izan dezaten.
Ainhoa Etxaide LABeko idazkari nagusia, Oskar Matute Alternatibako bozeramailea eta Maider Karrera Gazte Abertzaleak EAko gaztediaren ordezkaria izango dira bilera horietan parte hartuko dutenak. Hirurak Euskal Preso Politikoen Kolektiboarekin (EPPK) bilduko dira, horiek aipatutako alderdiekin biltzeko eskaria egin eta gero.
Gernikako Akordioa EAk, Alternatibak, Aralarrek eta ezker abertzaleak izenpetu zuten.
Matutek adierazi duenez, ETAko presoek egin ditzaketen ekarpenak "garrantzi handikoak" izan daitezke. Ondorioz, talde horrek Gernikako Akordioa izenpetzeko aukera zabalik utzi du. Akordioak ETAri su-etena iragartzea eskatzen zion, eta Gobernuari kartzela politikan aldaketak egitea.
Alternatibako bozeramaileak bilera horiei "oztoporik ez jartzeko" eskatu die Frantziako eta Espainiako gobernuei. Bilera horiek datozen egunetan egiteko asmoa agertu dute.