Pastor: 'PPk ez du zer esanik biktimen manifestazioan'

&' || 'nbsp;"Ez dut ulertzen PPren jokabidea, eta are gutxiago EAEko popularrena; izan ere, ez dute zer esanik", adierazi du ostiral honetan Jose Antonio Pastor PSEko Eusko Legebiltzarreko bozeramaileak biktimen elkarteek datorren apirilaren 9an Madrilen deitutako manifestazioaren inguruan.

Hori horrela,&' || 'nbsp; Iñaki Oyarzabal EAEko PPko idazkari nagusiak "aurreiritziak" alde batera uzteko eta manifestaziora joateko eskatu zien sozialistei eta jeltzaleei. Pastorren ustez, proposamen hori "tokitik kanpo" dago.

Izan ere, alderdi popularrak "Gobernuaren jarduteko moduaren berri dauka eta terrorismoaren aurkako politikaren tinkotasuna azpimarratu du".

PSEko bozeramailearen hitzetan, ETArekin egindako negoziazioaren harira, "gertatu ez den zerbaiten aurka deitutako manifestazioa da.

Manifestazio horiek "demokraziari eta Zuzenbidezko Estatuari" kalte egiten diete. ETArekin ez dutela negoziatzen berretsi zuen Pastorrek.