Beaumont: 'Urtarrilean jakingo dugu trafikoaren transferentzia noiz gauzatuko den'

Maria Jose Beaumontek, Nafarroako Barne sailburuak, trafikoaren eskuduntzaren transferentzia noiz egingo den "urtarrilean" jakingo dela azaldu du Radio Euskadiri emandako elkarrizketa batean.

Esan duenez, "urtarrilean Espainiako Lurralde politikako ministerioarekin bilera bat aurreikusita" dauka, eta legealdi honetan "eskualdatzea gauzatuko duen dekretua onartzea" espero du.

Beaumonten hitzetan, momentu horretan erabakiko du Espainiar estatuak Guardia Zibilak bere gain hartuko dituen funtzioak zeintzuk izango diren.

Nafarroako Ahal Duguren barnean aste honetan sortutako polemika eta zatiketari buruz ere hitz egin du sailburuak. "Gobernuan ardura sortzen" duela esan du, baina espero du "exekutiboaren irudian eraginik ez izatea" espero du. "Gobernuari babesa ematen dioten alderdiei gauzak bere onera ekartzea" eskatu die.