Itxi

2018/12/31

15:06

Politika

Presoak

Preso gaixoentzako protokolo berriak salbuespenik ez egitea eskatu du Jaurlaritzak

Agentziak | Erredakzioa

Jonan Fernandezek eskatu du gaixorik dauden presoak askatzeko protokoloa aplikatzeko oinarriak “berdintasuna eta diskrimiaziorik eza izan daitezela”.

  • Jonan Fernandez

    Instrukzio berriaren ardatza "berdintasuna" izatea eskatu du Giza Eskubideen idazkari nagusiak

  • Whatsapp
  • Whatsapp
  • Telegram
  • Bidali

Jonan Fernandez Eusko Jaurlaritzako Giza Eskubide, Bizikidetza eta Lankidetza idazkari nagusiak eskatu du ez dezatela salbuespenik egin Espainiako Barne Ministerioak gaixorik dauden presoentzat prestatu duen protokolo berria aplikatzeko orduan eta horren oinarriak berdintasunaren eta diskriminaziorik ezaren printzipioak izan daitezela.

Fernando Grande-Marlaska Barne ministroak hala erabakita, protokolo berri bat ezarriko dute, askatasuna kentzeko zigorretan “humanitatea” kontuan hartuko duena, betiere epaileen kontrolpean, eta horri erantzuteko hartu du hitza Fernandezek.

“Humanitatearen printzipioa espetxe politika demokratiko batean oinarrietako bat izan behar da”, esan du Fernandezek, eta baieztatu du Eusko Jaurlaritza bat datorrela protokolo berriak gaixotasun larriak dituzten presoak kartzelatik ateratzeari dagokionez adierazten duen irizpide aldaketarekin.

Eusko Jaurlaritzaren ordezkariaren ustez, zuzentarau berria “inoiz indarrean egon behar izan ez zen aurreko instrukzio ankerra zuzentzera dator”. Aurreko hori PPk jaso zuen 2017an, eta hilurren zeuden presoak soilik askatzea onartzen zuen.

Fernandezen hitzetan, Eusko Jaurlaritzak espero du irizpide humanitario hori salbuespenik gabe gauzatzea, berdintasunaren eta diskriminaziorik ezaren printzipioetan oinarrituta”.

“Giza eskubideei dagokio”, EAJren aburuz

Itxaso Atutxa EAJren Bizkai Buru Batzarreko presidenteak Radio Euskadin esan duenez, protokoloa “giza eskubideen kontuari dagokio”, eta “preso guztiak hartu behar ditu bere gain”, Eduardo Zaplana ministro ohia ere.

“Bete behar diren eta aurreko Gobernu batzuek bete ez dituzten nazioarteko zuzentarauetatik gertuago dago”, erantsi du.

Zaplanaren kasua “egunotan oihartzun handiena izan duena da”, baina “beste preso asko daude osasun egoera larrietan”, esan du Atutxak.

  • Bisitatuena

      Kargatzen ikusiena
      Kargatzen ikusiena
    ;