EAk eta Herritarron Garaiak alderdi abertzale bat sustatuko dute

Eusko Alkartasunak eta Herritarron Garaiak "hauteskunde-subjektu herritar, abertzale, progresista eta ezkerti berri bat" sustatzea adostu dute, "Nafarroan aldaketa politiko eta soziala bultzatzeko".

"Herritarren eskaerei erantzuteko subjektu politiko berri bat eratzeko" bilera egin dute gaur elkarte bietako ordezkariek.

Eusko Alkartasunak "aliantza berri horren garrantzia" babestu du; izan ere, "aldaketa politiko eta soziala sustatzeko indarrak pilatu behar dituzte".

Hori dela eta, "konplexurik gabe eta gure gain dugun erantzukizuna kontuan hartuta, hauteskunde-subjektu berri bat" eratzea adostu dute bileran, EAk azaldu duenez. Izan ere, "une historikoan gaude, eta aldaketa politiko eta soziala lortzeko ahal bezainbeste indar bildu behar ditugu", esan dute.