Feminismoaren aurkako pintadak agertu dira Ahal Duguren Bilboko egoitzan

Feminismoaren kontrako pintadak egin dituzte Ahal Duguren Bilboko egoitzan, alderdiak berak sare sozialen bidez jakitera eman duenez. Egoitzaren leihoetan margo gorriz egindako bi pintada agertu dira: 'bukatu da gizonak eta emakumeak aurrez aurre ipintzea' eta 'indarkeriak ez du generorik'.

Ahal Duguk erasoa kritikatu du. "Batzuk ez dute feminismoa ulertzen eta, zoritxarrez, horien adierazle asko daude egunero leku askotan", adierazi du sare sozialen bitartez.

"Bilboko egoitza zikintzen dutenek jakin behar dute ez gaituztela beldurtu. Euskadin berdintasunaren alde lanean jarraituko dugu. Gora borroka feminista!", gaineratu du alderdiak.