Fiskaltzak ez du Altsasu auzian helegiterik jarri, terrorismorik ez zegoela onartuta

Fiskaltzak ez dio Auzitegi Nazionaleko Apelazio Aretoaren Altsasu auziko epaiari helegitea jarri, behin hori egiteko epea bukatuta Naizek iragarri duenez. Beraz, bi urte eta erdiren ostean terrorismorik ez zegoela onartu du, ebazpenak esan zuen bezala.

Martxoaren 7ko epaian, 13 urtera arteko espetxe zigorra ezarri zuen Auzitegi Nazionalak Altsasuko zortzi gazteren aurka, agenteen aurkako atentatua, lesioak, desordena publikoak eta mehatxuak egotzita.

Ebazpen horretan, epaileek Fiskaltzaren helegiteak baztertu zituen. Besteak beste, terrorismotzat hartzea eskatzen zuen. Behin epai horri helegitea jartzeko epea bukatuta, Fiskaltzak Auzitegi Nazionaleko Apelazio Aretoak erabakitakoa onartu du.

Covitek, herri akusazioak, helegitea aurkeztu du. Defentsek ere helegitea jarri dute. Zortzi gazteen absoluzioa eskatzen dute.