Bost lagun atxilotu dituzte Voxen Bartzelonako ekitaldiaren aurkako protestan

Bost lagun atxilotu dituzte talde independentistek Voxek Bartzelonan egin duen ekitaldiaren aurka antolatutako manifestazioan, eta hainbat lagun zauritu dira Mossoekin izandako liskarretan, Espainia plazaren inguruan.

Errepublika Defendatzeko Batzordeek (CDR) eta beste talde independentista batzuek deituta, Montjuiceko iturrien ingurura joaten saiatu dira manifestariak, Santiago Abascal buru duen alderdiaren ekitaldira.

Manifestariek, tartean kaputxadunek, botilak, harriak, hesiak, arrautzak eta pintura jaurti dute Kataluniako poliziaren aurka, eta atxiloketak eta kargak izan dira. Manifestariek barrikadak egin dituzte eta su eman diete edukiontziei mossoei bidea mozteko.

Mossoek jkinarazi dutenez, bost atxiloketa izan dira guztira, baina horietako bat Udaltzaingoak egin du. Eskuin muturraren ekitaldira bidean zihoan pertsona bati jotzea leporatuta atxilotu dituzte horietako hiru.

Era berean, larrialdi zerbitzuek bost pertsona artatu dituzte zauri arinengatik, tartean mosso bat. Beste pertsona bat Clinic Hospitalera eraman dute.

Oraingoz, manifestariak eta Voxen jarraitzaileek ez dira elkartu.