Politika -
Prentsaurrekoa Beijingen
Zapaterok baztertu egin du ETAn eszisio arriskua izatea
Bere aldetik, lehendakariak errefusatu egin du erakunde terroristan eszisio arriskurik dagoen aztertzea, eta Legorretan atxilotutako ETAko bi ustezko kideen asmoa ez zela "batere ona" gaineratu du.
Erredakzioa
Jose Luis Rodriguez Zapatero Espainiako Gobernuko presidenteak ez du uste ETAn eszisiorik izango denik, baina erakunde terrorista "inoiz baino txarrago" eta demokrazia "inoiz baino indartsuago" daudela nabarmendu du.
Beijingen (Txina) eskainitako prentsaurrekoan, erakunde terroristan eszisiorik izateko arriskua ikusten duen galdetu diote, baina Zapaterok baztertu egin du.
"Lanean jarraitu behar dugu, eta ez espekulatu ETAk buruan izan lezakeenarekin", berretsi du.
Lehendakariaren hitzak
Patxi Lopez lehendakariak errefusatu egin du ETAn eszisio arriskurik dagoen aztertzea, eta Legorretan atxilotutako ETAko bi ustezko kideen asmoa ez zela "batere ona" gaineratu du.
Lopezek esan du "aintzat hartu" egin beharra dagoela Segurtasun Indarrek egindako lana, "bi terrorista eta lehergai ugari atzematea" lortu baitute.
