Jose Blanco: 'PPko batzuen kezka ETA Zapaterorekin desagertzea da'

Jose Blanco PSOEko Idazkariorde nagusi eta Sustapen ministroak esan duenez, Alderdi Popularreko batzuk kezkatuta daude Jose Luis Rodriguez Zapatero presidente eta Alfredo Perez Rubalcaba Barne ministro direla amaituko dela agian ETAren terrorismoa.&' || 'nbsp;

"PPren zati bat behintzat kezkatuta dago Rodriguez Zapateroren eta Perez Rubalcabaren agintaritzapean terrorismoarekin amaitu daitekeelako", esan du Blancok.

Zentzu horretan azpimarratu duenez, "popular batzuk kezkatuago daude Barne Ministroa ahultzearekin ETA ahultzearekin baino"; hori Blancoren ustez "egunez egun ikus daiteke Diputatuen Kongresuan". "Batzuen kasuan bistakoa da. Ez hauteskunde garaian ez inoiz egon behar ez luketen eztabaidak ari dira jartzen mahai gainean", azpimarratu du.

Euskadin dagoen PP-PSOE ituna gustatzen ote zaion galdetuta, erantzun du akordioa gustatzen zaiola, baina batez ere "terrorismoaren aurkako borroka" gustatzen zaiola eta hori egunero demostratzen dena "terroristak atxilotuz eta lehergai tonak konfiskatuz".

Sustapen Ministroaren ustez itun hori da "terrorismoaren aurkako borrokaren demostraziorik onena eta gainerakoak hausnarketak dira". Azpimarratu duenez, "egunez egun talde terrorista ahulago dago", eta hori "Espainiako gobernuaren eta Barne Ministroaren zuzendaritzarekin lortu da, beti ere, indar demokratikoen eta Estatuko Segurtasun Indarren kolaborazioarekin". "Hori da benetan nabarmentzekoa", esan du Blancok.

"Oso mezu argia dago: ez diogu arnasa hartzen utziko ETAri" esan du eta "Alderdi Popularrarekin adostutakoarekin udaletxeetan legez kanpoko inor ez sartzeko estrategia diseinatu dugu", gogorarazi du.