Politika -
Sesioa Senatuan
Rojo: 'Egiten ari garena deitoragarria da'
PSOEren eta PPren arteko akusazioak, protestak eta oihuak protagonistak izan dira Ganberan eta Senatuko presidenteak lanak izan ditu eztabaida kontrolatzeko.
Erredakzioa
"Egiten ari garena deitoragarria da eta telebistako kameratan ikusten dugunean lotsatu egingo gara!". Javier Rojo Senatuko presidentearen hitzak dira, Ganberan irmo esandakoak. Senatariei agiraka egin behar izan die Rojok, osoko bilkuran eztabaida gogorra izan baita.
PSOEren eta PPren arteko akusazioak, protestak eta "gezurti!, gezurti!" oihuak protagonistak izan dira Ganberan eta Senatuko presidenteak lanak izan ditu eztabaida kontrolatzeko.
Manuel Chaves Andaluziako presidente ohiari PPk egindako galderek sua piztu dute Senatuan. Andaluziako Gobernuaren lana erregulatzeko txostenen kasuan Chavesen semeak izandako ustezko jokabide irregularra aurpegiratu dio presidenteordeari PPk.
Oihuen eta etenaldien artean Rafael Salas senatariari erantzutea lortu du Administrazio ministroak. Salasek dimisioa eskatu dio Chavesi.