Politika -
Euroagindua
Clara Ponsati kontseilari ohia Edinburgoko polizia-etxe batean aurkeztu da
Bere burua entregatu du gaur Eskoziako Poliziaren aurrean, Espainiara estraditatzeko epaiketa hasi aurretik.
Agentziak | Erredakzioa
Clara Ponsati Kataluniako Gobernuko Hezkuntza kontseilari ohiak bere burua entregatu du gaur Eskoziako Polizian, Espainiara estraditatzeko epaiketa hasi aurretik, 2017ko independentziari buruzko legez kanpoko erreferendumean parte hartzeagatik.
Ponsati Edinburgoko polizia-etxe batera iritsi da gaur goizean, Aamer Anwar abokatuarekin batera, Eskoziako hiriburuko Gortean estradizio prozesua hasi aurretik.
Anwarrek baieztatu duenez, Erresuma Batuko agintariek Espainiak emandako euroagindua onartu dute, hasiera batean atzera bota ostean, Espainiako Auzitegi Nazionalak Ponsatik egin dituen delituen inguruko azalpenak eman ostean, besteak beste, sedizioa.
