Extremadurako IUren aburuz, PSOE babestea 'traizioa egitea litzateke'

Victor Casco Extremadurako Izquierda Unida alderdiko diputatuak euren jarrera "ulertzeko" eskatu dio zuzendaritza federalari. "Nik ulertzen dut Cayo Lararen jarrera, arrazoizkoa da. Gu Extremadurako IUren jarrera helarazten saiatu gara, baina militanteek eta afiliatuek hitz egin dute", esan du Cascok. Halaber, botoa sozialistei ematea "eskuineko politikak babestu dituen alderdi bati aukera ematea" izango litzatekeela adierazi du Cascok. "Ez dugu batzuen alde edo besteen alde egingo. Parlamentuan eseriko diren eskuindarrei oposizioa egingo diegu", erantsi du.

Horrexegatik, IUko zuzendaritza federalari euren jarrera "ulertzeko" eskatu die.