Durangoko egoitzan hilda aurkitu dute EBko Bizkaiko koordinatzailea

Jose Luis Zubillaga Ezker Batuko Bizkaiko koordinatzailea hilda aurkitu zuten atzo alderdiak Durangon duen egoitzan.

Zubillagak 52 urte zituen, ezkonduta zegoen eta metalurgia arloan jarduten zuen, azken urteak, ordea, politikagintzan eta sindikalismoan eman ditu.

Ezker Batuko alderdikideek asko sentitu dute bere heriotza eta "lagun estimatua eta langilea" joan zaiela adierazi dute.

Halaber, Jose Luis Zubillaga CCOO sindikatuko kide zen duela bi hamarkadatik eta bertako Metalaren Batzordeko ordezkaria zen. 2003an hasi zen politikagintzan Ezker Batuarekin, Iurretan zinegotzi hautatua izan eta gero.