Itxi

2019/12/13

14:20

Politika

EAEko Aurrekontuak 2020

Eusko Jaurlaritzak eta Elkarrekin Podemosek 2020ko aurrekontuak izenpetu dituzte

Agentziak | Erredakzioa

Urkullu "ziur" dago koalizio aurrerakoiarekin lortutako itunarekin emandako pausoak "jarraipena" izango duela.

1:23
Azpiazu eta Martinez gaur akordioa sinatzen. Argazkia: EFE
  • Whatsapp
  • Whatsapp
  • Telegram
  • Bidali

Eusko Jaurlaritzak (EAJ-PSE) eta Elkarrekin Podemosek 2020ko Euskadiko Aurrekontuak errazteko akordioa sinatu dute ostiral honetan, eta, bertan, klausula bat jasotzen da, zeinaren arabera koalizio aurrerakoiak nolabaiteko tartea gordetzen duen oposizio-lana "askatasunean" egiteko, aurrekontu-ituna "urratzen" ez duten gai guztietan.

Pedro Azpiazu Eusko Jaurlaritzako Ogasun sailburuak eta Lander Martinez Elkarrekin Podemoseko bozeramaileak sinatu dute akordioa.

Itunaren eduki nagusiak aurreko egunetan jakinarazi dituzte: 201,5 milioiko aldaketak aurreikusten ditu jatorrizko aurrekontu-proiektuan; horietatik 88,9 2020an gauzatuko diren partidei dagozkie, eta 112,6 milioi euro, berriz, hurrengo urteetarako konpromiso-kredituak dira.

Eusko Jaurlaritzak aldaketa horiek onartzearen truke, Podemos Euskadik eta Equok Eusko Legebiltzarrean duten bederatzi legebiltzarkideek erraztu egingo dute, haien abstentzioarekin, kontuak onartzea.

Aldaketak alde batera utzita, kontu-sail ekonomikoetan – Sexuen arteko berdintasuna, klima-aldaketaren aurkako borroka, enplegua, ekonomiari babesa eta gizarte-babesa sustatzeko politikak erreformatzera bideratuak –, itunak klausula bat jasotzen du, zeinaren bidez E-Podemosek bere oposizio-lanean nolabaiteko maniobra-tartea ziurtatzen baitu.

Aldaketak alde batera utzita, itunak klausula bat jasotzen du, E-Podemosek bere oposizio lanean nolabaiteko maniobra tartea ziurtatzeko.

Hala, akordioak dio bi aldeek hartutako konpromisoak E-Podemosen "askatasuna murriztu gabe" gauzatuko direla. Horrenbestez, koalizioak "egokitzat jotzen dituen ekimen eta irizpide guztiak aurkeztu, defendatu eta azaldu ahal izango ditu, bere jarrera ideologiko eta programatikoen arabera", betiere aurrekontu itunean adostutakoaren zentzua "urratzen ez badute".

"Elkarrekikotasuna eta leialtasuna"

Gainera, itunean zehazten denez, adostutako neurriak "malgutasunarekin eta elkarrekikotasun eta leialtasun irizpideekin" aplikatuko dira, "jarrera oztopatzaileak saihestu eta, une oro, beharrezko negoziazio, elkarrizketa eta transakzio ahalegina egin dadin".

Halaber, itunean zehazten denez, Elkarrekin Podemosek "konpromisoa hartzen du aurrekontu proiektuaren tramitazio parlamentarioaren prozesuan aurretik adostutakoez bestelako edozein zuzenketa partzial ez babesteko", baita kontuen "onarpena bermatuko duten beharrezko neurriak" hartzeko ere.

Akordioa 2020an indarrean izango da, eta bi aldeek konpromisoa hartu dute "onartutako aurrekontuen magnitude nagusiak eta itunean jasotako konpromisoak desitxuratuko dituen neurririk ez hartzeko edo ekimenik ez aurkezteko".

"Errealismoa eta erantzukizuna"

Lehendakariak adierazi duenez, koalizioak "akordiorako benetako borondatea" erakutsi du, eta "errealismoz eta arduraz" jokatu du. "Elkarrekin Podemosen jarrera ireki eta zintzoak, akordiora bideratuta, lortu nahi den amaiera erraztu du: aurrekontuei buruzko akordio bat, eta giza garapena eta hazkunde iraunkorra uztartzen dituen eredu batean aurrera egitea", adierazi du.

Iñigo Urkullu "ziur" agertu da "lehen urrats" horrek, Elkarrekin Podemosekin 2020ko aurrekontuetarako egindako akordioak "jarraipena" izango duela, Eusko Jaurlaritza "zorrotza" izango dela hartutako konpromisoak betetzen, eta elkarrizketa "zainduko" duela, "elkarrekin egindako lanaren" bidez EAEren alde lan egiten jarraitzeko.

  • Bisitatuena

      Kargatzen ikusiena
      Kargatzen ikusiena
    ;