Itxi

Politika

Luizia

Eusko Jaurlaritzak elkarlana eskatu die EAEko zabortegiei, hondakinak hartzeko

Agentziak | Erredakzioa

Eusko Jaurlaritzak, funtsean, Zaldibarko zabortegi kolapsatuak hartzen zituen hondakin ez-arriskutsuak jasotzeko laguntza eskatu die.

  • Zabortegiaren argazkia

    Zaldibarreko zabortegia. Argazkia: EFE

Ingurumen, Lurralde Politika eta Etxebizitza Sailak formalki eskatu die EAEn baimendutako zabortegien titularrei lankidetzan aritzeko, joan den ostegunean Zaldibarko Verter Recycling 2002 SL enpresaren zabortegian izandako luiziak eragindako "premiazko kudeaketa-beharrei" erantzuteko.

Ohar baten bidez azaldu duenez, lankidetza hori enpresa eta kudeatzaile pribatu eta publikoen hondakin ez-arriskutsuak jasotzeko eskatzen da, "material horiek pilatzeak enpresa horien ohiko funtzionamenduan eta ingurumenean ahalik eta eragin txikiena izan dezan".

Ingurumeneko sailburuordeak sinatutako ebazpen horretan bertan, zabortegien titularrei jakinarazten zaie ingurumen-administrazioak, ebazpen arrazoitu baten bidez, "azpiegitura horiek, beharrezkoa izanez gero, hondakin horiek jasotzeko beharrezkoak diren premiazko neurriak" hartu ahal izango dituela.

Jaurlaritzak azaldu duenez, ebazpenak airearen eta uren kalitate-kontrolen jarraipenari buruzko beste neurri batzuk ere jasotzen ditu, bai eta metano-isuriek zabortegiaren goiko aldean eragindako sua kontrolatzeko Segurtasun Sailak duen operatiboarenak ere.

Gobernuaren deiari erantzunez, Gasteizko Udalak iragarri du Zaldibarreko zabortegiko hondakinak Gardelegiko zabortegian hartzeko prest dagoela, betiere materialak arriskutsuak ez badira.

Mahai teknikoaren eguneroko bilera

Zaldibarko Zabortegiaren koordinazio eta jarraipenerako mahai teknikoa egunero bilduko da Zaldibarko udaletxean, bihartik aurrera 9:30ean. 

Eusko Jaurlaritzako Ingurumen, Osasun, Segurtasun, Lana eta Justizia eta Ekonomiaren Garapen eta Azpiegitura sailetako, Bizkaiko Foru Aldundiko eta Zaldibarko Udaleko arduradunek osatuko dute mahai teknikoa.

  • Bisitatuena

      Kargatzen ikusiena
      Kargatzen ikusiena