Itxi

2020/03/11

11:54

Politika

Koronabirusa

Sanchez erkidegoetako presidenteekin bilduko da bideokonferentziaz

AGENTZIAK | ERREDAKZIOA

Larunbatean izango da batzarra, koronabirusak eragindako egoera aztertzeko.

1:51
Pedro Sánchez / EFE
  • Whatsapp
  • Whatsapp
  • Telegram
  • Bidali

Pedro Sanchez, Gobernuko presidenteak erkidegoko agintariekin bideokonferentzia bat antolatu du datorren larunbaterako. Koronabirusaren egoerari aurre egin eta erantzun bateratu bat ematea nahi du.

Gainera, Sanchezek kongresuko presidenteari proposatu dio datorren astelehenean oposizioarekin bilera bat egitea, Moncloak adierazi duenaren arabera.

Atzo gauean hedabideen aurrean emandako prentsaurrekoan, Gobernuak erkidegoekin eta gainerako administrazioekin duen "gehienezko kudeaketa" azpimarratu du Sanchezek. Krisiari aurre egiteko erkidego guztien kudeaketa "lehentasunezkoa" dela adierazi du.

Exekutiboko buruak ere espainiolek birusaren aurrean arduradun politiko guztiak "batuta" ikusi nahi dituela nabarmendu du, birusak ez ditu kolore politikoak bereizten eta "elkarrekin" lan egitea aurreikusi du.

Era berean, Pedro Sanchezek "zailak zein gogorrak" diren asteak espero ditugula aurreikusi du baina krisiari aurre egiteko gai garela uste du.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Batzordearen telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.
  • Bisitatuena

      Kargatzen ikusiena
      Kargatzen ikusiena
    ;