21 pertsona identifikatu dituzte ETAko hiru kide omentzeko ekitaldian

Ertzaintzak Morlansen (Donostia), 1991ean hil ziren ETAko hiru kideri omenaldia egitea galarazi zuen atzo, eta ekitaldi horretan parte hartu behar zuten 21 pertsona identifikatu zituen, agenteek jakitera eman dutenez.

Ertzaintzako agenteek hainbat pertsonak Donostiako Morlans auzoan aurretik komunikatu gabe egin nahi zuten bilkura bat galarazi zuten atzo 17:30 aldera. Duela 20 urte izan ziren gertaeretan hil ziren ETAko hiru kide omendu nahi zituzten bertan.

Ertzaintzak operatibo bat jarri zuen inguruetan, omenaldia egitea galarazteko, eta bertan parte hartu nahi zuten 21 pertsona identifikatu zituen. Horrez gain, bertara joandako batzuek bertan jarri nahi zuten plaka bat, ETAko kide haien oroitzapenezkoa, eta beste objektu batzuk atzeman zituen.

Ertzaintzak gertaera horiek argitzeko eginbideak hasi ditu, eta Auzitegi Nazionalera bidaliko ditu bukatutakoan, bertan terrorismoa goretsi zuten argitzeko.