Ez dela zerrendetan joango esan dio Salgadok PSOEren zuzendaritzari

Elena Salgado Espainiar Gobernuko presidenteorde ekonomikoak hurrengo hauteskundeetako zerrendetan ez dela joango adierazi dio gaur PSOEren zuzendaritzari.

Hala ere, ez du politika utziko, eta alderdiaren esanetara dagoela adierazi du. Militante sozialista ez den arren, Kantabriako zerrendaburu izan zen azken hauteskunde orokorretan, eta Osasun, Ekonomia eta Administrazio Publikoetako ministroa izan da.

2008ko hauteskundeetan PSOEren diputatu izan zen, Kantabrian lortutako botoei esker. Sozialistek hauteskundeak iraqbazi ondoren, Rodriguez Zapaterok Administrazio Publikoetako ministro izendatu zuen. Urtebete eta gero, 2009ko apirilaren 9an, bigarren presidenteorde eta Ogasun eta Ekonomia ministro izendatu zuten, Zapateroren gobernu berrirako.