Politika -
Ikasturte politikoaren hasiera
Lehendakaria: 'Ezker abertzaleak arnasgailua kendu behar dio ETAri'
Terrorismoaren aurkako borrokari Jaurlaritzak tinko eutsiko diola esan du lehendakariak. Hauteskunde orokorrak ate joka, Euskadiko alderdi sozialistak hasiera ofiziala eman dio ikasturte politikoari.
Erredakzioa
Patxi Lopez lehendakariak eta PSEko Idazkari Nagusiak hartu du hitza gaur alderdiko Batzar Nazionalean ikasturte politikoari hasiera emateko. Bertan, "ezkerra batzeko eta akatsak ahazteko unea" dela esan du.
Gaur alderdikideen aurrean, ETA inoiz baino ahulagoa dagoela esan du, eta ezker abertzaleak arnasgailua kendu behar diola gaineratu du. "ETA hilzorian dago, eta ezker abertzaleak "arnasgailua kendu behar dio behin betiko".
Ildo horretan, terrorismoarekin behin betiko amaitzeko aukera ez galtzeko deia egin du lehendakariak.
Terrorismoaren aurkako borrokan, Jaurlaritzak irmotasuna mantenduko duela argi utzi du.
Irailaren 29an, Eusko Legebiltzarrean aurkeztuko du lehendakariak Bakerako plana.
Zerga-politika
Krisi ekonomikoaren harira, defizita mugatzeaz gain beste hainbat neurri hartu behar direla argi utzita, sistema fiskala aldatzeko egin duen proposamenari muzin egin diotenei zuzendu zaie.
Udal eta Foru hauteskundeetako porrota ahaztuta eta orokorrak ate joka, hauteskundeak baino lehen lehendakariak berak proposatutako Konferentzia politikoa egingo du PSOEK. Euskadiko Alderdi sozialistak gaur aukeratu ditu bertara joango diren ordezkariak.
