Politika -
Eusko Jaurlaritza
Cristina Uriarte lehendakariaren aholkulari izango da
Hezkuntza sailburu ohia Berrikuntza arloan arituko da aholkulari gisa, eta sailburuordeen maila izango du.
AGENTZIAK | ERREDAKZIOA
Cristina Uriarte Hezkuntza sailburu ohia Iñigo Urkullu lehendakariaren aholkulari izango da gobernu berrian, eta sailburuordeen maila izango du. EAEko Aldizkari Ofizialak asteazken honetan jaso du izendapen berri hori.
Orain arte Uriartek betetzen zuen kargua, Hezkuntza sailburuarena, Jokin Bildarratzen esku dago XII. legealdiko Jaurlaritza osatu zutenetik.
Uriarte, baina, ez dute Eusko Jaurlaritzatik kanpo utziko. Izan ere, irailaren 8tik ari da, sailburuorde mailan, lehendakariarekin lanean, Jesus Peña Lehendakaritzaren idazkari nagusiak sinatutako ebazpenean azaltzen denez.
Hain zuzen ere, Berrikuntza arloan jardungo du Uriartek aurrerantzean, Lehendakaritzatik jakinarazi dutenez.
