Itxi

2020/10/06

14:50

Politika

Epaia

Konstituzionalak ez du Torraren gaitasungabetzea eten

AGENTZIAK | ERREDAKZIOA

Hala ere, urte eta erdiko gaitasungabetzea ezarri zion Gorenaren ebazpenaren aurkako babes helegitea onartu du.

  • Quim Torra Kataluniako Parlamentuan

    Quim Torra Kataluniako Parlamentuan. Artxiboko argazkia: EFE

  • Whatsapp
  • Whatsapp
  • Telegram
  • Bidali

Auzitegi Konstituzionalaren osoko bilkurak atzera bota du Quim Torra Kataluniako Generalitateko presidente ohia urte eta erdiko inhabilitaziora kondenatu zuen epaiaren betearazpena presaz etetea, baina Auzitegi Gorenaren ebazpenaren aurkako babes helegitea tramitera onartu du.

Iturri juridikoek EFE albiste-agentziari jakinarazi diotenez, Konstituzionalak aho batez errefusatu du Torraren defentsak aurkeztutako kautelazko neurria, Auzitegi Goreneko Bigarren Aretoak berretsi zuen gaitasungabetze zigorra bertan behera uztea eskatzen zuena.

Kautelazko neurriak hartzeari uko egitea zen aurreikusgarriena, kontuan hartuta Konstituzio Auzitegiak gutxitan ematen duela, eta salbuespenezko kasuetan eta zigor arinekin baino ez duela erabakitzen.

Aitzitik, onartu egin du, Hauteskunde Batzorde Zentralaren (HBZren) agindua ez entzuteagatik, urte eta erdiko gaitasungabetzera kondenatu zuen epaiaren aurkako babes-errekurtsoa; izan ere, agindu horrek eraikin publikoetako Kataluniako prozesuaren presoei babesa emateko pankarta bat kentzera behartzen zuen hauteskunde-kanpainan.

Bi erabakiak osoko bilkura monografiko batean hartu dituzte, Torraren gaiak aztertzeko, Juan Jose Gonzalez Rivas presidenteak 12 magistratuek berrikustea erabaki ostean, nahiz eta defentsak ez zuen baliogabetasun-intzidenterik jarri Gorenean, eta horrek bide jurisdikzionala ez agortzeagatik Konstituzionalaren babesa atzera botatzea ekarriko zukeen.

Baina epaileek onartu egin dute, eta orain presidente ohiaren defentsak itxaron egin beharko du bermeen auzitegiak ebazpena eman arte Europara joan aurretik, han baitituzte itxaropen guztiak.

Kataluniako Justizia Auzitegi Nagusiaren 2019ko abenduko epaiak eta Auzitegi Gorenaren 2020ko irailaren 28ko epaia baliogabetzat jotzeaz gain, Torra Generalitateko presidente eta Kataluniako Parlamentuko diputatu karguetan "berrezartzeko neurri egokiak" hartzea eskatu du presidente ohiaren defentsak babes helegitean.

Eta "aparteko premia" alegatzen du; izan ere, kondena horrek, presidente kargua kentzeaz gain, ezin du edozein hauteskunde-prozesutan parte hartu irauten duen bitartean.

  • Bisitatuena

      Kargatzen ikusiena
      Kargatzen ikusiena
    ;