Ezker abertzalea, elkarrizketa politikoari ekiteko prest

Ezker abertzaleak "salbuespenik gabeko elkarrizketa politikoari ekiteko prest" dagoela esan du, "gatazkari behin betiko irtenbide okor bat" emateko helburuarekin.

Ohar batean adierazi duenez, "elkarrizketa prozesuari" aurre egin nahi dio "malgutasunarekin eta egoerak eskatzen dituen erantzunekin". Halaber, "edozein eztabaida-lekutan" parte hartzeko prest dago.

Ezker abertzalearen hitzetan, "elkarrizketak ez du bereizketarik izan behar, gizartea ordezkatzen duten agente politiko guztiak tartean sartu behar ditu, eta helburutzat oinarrian dagoen arazo politikoari irtenbidea ematea izan behar du: gaur egun bere eskubideak aitortu gabe dituen herrialde bat dagoela, eta tresnak behar dituela bete etorkizuneko estatus politikoari buruzko erabakia hartzeko".

Ezker abertzaleak Yolanda Barcina Nafarroako presidenteari "fase politiko berria erantzukizunez" hartzeko esan dio, eta "indarrean dagoen marko politikoaren oztopoak kentzea ezinbestekoa" dela gaineratu du. Halaber, besteak beste, "gainerako euskal lurraldeen erakundeekin erakunde berak jartzea eta erabakitzeko eskubidea" ezarri behar direla nabarmendu du.