Politika -
Euroagindua
Frantziak Josu Esparza espainiaratzea agindu du
Ekineko ustezko kidea ihes eginda dago. Terrorismoa goratzea egotzita epaitu nahi du Auzitegi Nazionalak.
Erredakzioa
Paueko Apelazio Auzitegiak Josu Esparza Iraizoz Ekineko ustezko kidea espainiaratzea agindu du. Une honetan, baina, desagertuta dago.
Espainiako Auzitegi Nazionalak euroagindua izapidetu zuen, terrorismoa goratzea egotzita.
Orain, Frantziak agindua eman du, ez baititu bete urrian Justiziak ezarritako baldintzak. Horrenbestez, bertan behera utzi dute hilabete horretan agindutako askatasun behatua.
Izan ere, Auzitegiaren iturriek azaldu dutenez, Esparzak ez du bete astean bitan Baionako komisariara joateko agindua.
Josu Esparza urrian atxilotu zuen Frantziako Poliziak, Baionan. Une horretan, Justiziak behatutako askatasuna egoeran zegoen, Espainiako Justiziak eskatutako beste euroagindu baten inguruko erabakiaren zain.
Lehen euroagindu horretan, Ekineko kide izatea egotzita epaitu nahi zuen Auzitegi Nazionalak.
Oraingo erabakiaren ondorioz, baina, ez dute berehala entregatuko, Esparzak helegitea aurkez bailezake.
Hala egingo balu, prozesua aste batzuk edota hilabete oso bat atzeratuko litzateke.