35 urteko zigorra Andoni Otegirentzat, Fuengirolako atentatuagatik

Andoni Otegi Eraso ETAko kideari 35 urte eta sei hilabeteko kartzela-zigorra ezarri diote Fuengirolan, 2002ko ekainaren 21ean, bonba auto bat lehertarazteagatik. Gainera, guztira 149 pertsona eta enpresari 1,9 milioi euroko kalteordaina ordaindu beharko die.

Hala ere, Oscar Zelarainen absoluzioa Auzitegiak erabaki du atentatu berdinagatik, nahiz eta Nicolas Poveda Peñas epaileetako batek atentatuan parte hartu zuela uste duen.

Epaiaren arabera, Otegik Peugeot 205 bezalako auto bat lapurtu zuen Malagako Coin herrian eta bertan bonba bat jartzeko erabili zuen. Geroago, Heroes de Baler kalean aparkatu zuen, ekainaren 21ean, 07:00etan, eztanda eginda.

Eztanda izateko ordu erdi falta zenean hiru abisu eman zituzten bonba jarrita zegoela ohartarazteko, baina bakarrik lortu zuten autoa topatu, segurtasun hesia jarri eta inguruko etxebizitzak hustea. Sei pertsona zauritu ziren atentatuan eta eragindako kalte materialak bi milioi ingurukoak izan ziren.

Otegi zigortzeko auzitegia Frantziako poliziak ETAri atzemandako agiri batzuetan oinarritu da. Agiriotan Andoni Otegi egilea izan zela agertzen zen, atentatuaren deskripzioa lehenengo pertsonan egiten baitzen. Epaian agertzen denez, agiria "aitorpen moduko bat izan zen".