Arartekoari kartzela politikan aldaketak eskatzeko esan dio Etxeratek

Gobernuari kartzela politikan aldaketak eskatzeko esan dio Iñigo Lamarka Arartekoari Etxerat euskal preso eta iheslarien senideen elkarteak.

Donostian bildu dira Arartekoa eta Etxerateko kideak eta bileraren amaieran, Mattin Troitiño elkarteko bozeramaileak, egindako aldarrikapenak azaldu ditu. Besteak beste, "dispertsioarekin" amaitzeko eta "eskubide zibil eta politikoak bermatzeko".

Bestalde, "zigorra bete duten presoak" aske gelditzea eta "bi herenak edo hiru laurdenak bete dituztenei behin behineko askatasuna ematea" ere eskatzeko esan diote Lamarkari, baita "egoeraren balorazio publikoa" egitea.

Troitiñok esan du Lamarkak bi hilabete barru beste bilera batera deitu dietela, Gobernu berria osatu ostean.