Politika -
Heriotza
Rafael Gurrea hil da, UPNko erreferente eta Nafarroako Parlamentuko presidente ohia
80 urterekin zendu da, Nafarroako politikan ibilbide luzea eginda. Miguel Sanzen aldamenean Nafarroko Gobernuko presidenteorde izan zen.
agentziak | eitb media
Rafael Gurrea Indurain, Nafarroako Parlamentuko presidente ohia, Foru Gobernuko presidenteorde ohia eta UPNren ibilbidean garrantzia handia izan zuena, hil egin da gaur 80 urte zituela.
Gurrea Irunberrin jaio zen 1940ean, eta Nafarroako Parlamentuko presidente izan zen 2003tik 2007ra. Horren aurretik, Burlatako alkate izan zen politikari ekin zionean. UCDko afiliatu izan bazen ere, alderdia desegin zenean UPNra jo zuen. Alderdi horrekin iritsi zen kontseilari eta Gobernuko presidenteorde izatera, Miguel Sanz presidente zela.
Gainera, UPN barruan, Rafael Gurrea idazkari nagusi eta alderdiaren presidenteorde ere izan zen.