Politika -

Katalunia

Fiskaltzak Torrenten aurkako kereila aurkeztu du, desobedientzia egotzita

Fiskaltzaren arabera, Roger Torrentek Auzitegi Konstituzionalaren agindua urratu zuen, Parlamentuan autodeterminazio eskubideari eta Espainiako monarkiari buruz eztabaidatzea ahalbidetu zuenean.

Roger Torrent. Artxiboko argazkia: EFE
Roger Torrent artxiboko irudi batean.
Roger Torrent. Artxiboko argazkia: EFE

EITB MEDIA | AGENTZIAK

Whatsapp Facebook Twitter Telegram Email

Kataluniako Fiskaltzak kereila jarri du Roger Torrent Parlamentuko presidentearen aurka, joan den legegintzaldian autodeterminazio eskubidearen aldeko eta Espainiako monarkiaren aurkako ebazpena tramitatzeagatik.

Ganbera horretako Mahaiko kideen kontra ere jo du Fiskaltzak: Josep Costa (JxCat), Eusebi Campdebpadros (JxCat) eta Adriana Delgado (ERC). Lauei desobedientzia delitua egin izana leporatzen die.  

Fiskaltzaren arabera, Kataluniako Parlamentuan autodeterminazio eskubideari eta Espainiako monarkiari buruz eztabaidatzea ahalbidetu zutenean, Auzitegi Konstituzionalaren agindua urratu zuten. Halaber, Ganberako idazkariak gai horietaz eztabaidatzea "galarazita" zutela ohartarazi ziela gogoratu du idatzian.

Kereilaren berri izan ostean, Torrentek azpimarratu du Kataluniako Parlamentuan "edozertaz" eztabaidatu daitekeela eta aurreratzean ere hala izan behar duela.  

"Eztabaidak zentsuratzen saiatzen diren arren, ezingo dituzte monarkiaren ustelkeria kasuak ezkutatu eta ez dute lortuko guk autodeterminazio eskubideari uko egitea", nabarmendu du sare sozialetan idatzitako mezu batean.  

 

 

Hau zure interesekoa bada, baliteke beste gai hauek ere izatea
Katalunia Politika Eguneko albisteak Albisteak Kataluniako Gobernua