Facebook eta Instagram kontuak 24 orduz itxi dizkiotela salatu du Arnaldo Otegik

Arnaldo Otegi EH Bilduko koordinatzaile nagusiak atzo salatu zuenez, Facebook eta Instagram sare sozialetako kontuak 24 orduz itxi dizkiote Julen Madariagaren heriotzaren inguruan idazteagatik.

Hau da itxiera eragin duen mezua: "Julen Madariaga zendu da, ETAko sortzailea, HB eta Aralarreko kidea. Abertzalea eta gure herriaren askatasunarekin konprometitua. Nire doluminak senideei eta lagunei. Irabazi arte!".

Otegik Twitterren argitaratutako beste mezu batekin erantzun dio blokeoari: "Isildu nahi gaituzten arren, lanean jarraituko dugu. Ez gaituzue isilduko!".