Politika -
Kartzela politika
Legeak 'presoen gizarteratzea' bilatzen duela esan du Mendiak
Eusko Jaurlaritzaren bozeramaileak ukatu egin du egungo legedia euskal presoen kontrako "mendekua" dela.
Erredakzioa
Egungo legediak "presoen gizarteratzea" bilatzen duela eta ez dela euskal presoen kontrako "mendekua" erantzun dio Idoia Mendia Eusko Jaurlaritzaren bozeramaileak Iñaki Antigüedad Amaiurren diputatuari.
Gobernu Kontseiluaren ondoren emandako prentsaurrekoan azaldu duenez, ez da presoentzat "irtenbide kolektiborik" emango, eta "aterabide indibidualen" aldeko apustua egin du.
Horren harira, presoek, egindako kaltea aitortzen duten heinean, "dagozkien sariak jasotzea" eskatu du, izan ere, “Espainiako Zigor Kodeak ez du mendekua helburu”.
