Politika -

Katalunia

Pedro Sanchez eta Pere Aragones hilabete honetan bilduko dira Moncloa Jauregian

Bi gobernuburuek telefonoz hitz egin dute ostiral honetan eta elkarrizketa "emankorra eta adeitsua" izan dela jakinarazi dute ohar bateratu batean.

Pedro Sanchez artxiboko irudi batean. Argazkia: EFE
Pedro Sanchez artxiboko irudi batean.
Pedro Sanchez artxiboko irudi batean. Argazkia: EFE

EITB MEDIA | AGENTZIAK

Whatsapp Facebook Twitter Telegram Email

Pedro Sanchez eta Pere Aragones hilabete honetan bilduko dira Moncloa Jauregian, Espainiako Gobernuak eta Generalitateak ohar bateratu batean jakinarazi dutenez. Oraingoz, baina, ez dute datarik zehaztu.

Bi gobernuburuek telefonoz hitz egin dute gaur goizean, 40 minutuz, eta elkarrizketa "emankorra eta adeitsua" izan dela jakinarazi dute ohar bateratu batean.

Egungo egoera politikoaz aritu dira eta erronkak "elkarrizketaren bidez" gainditu behar direla azpimarratu dute. Halaber, pandemia eta ekonomia suspertzeko Europar Batasuneko diru-laguntzak ere izan dituzte hizpide.  

Bestalde, Sanchez Bartzelonara joango da datorren astelehenean, ekitaldi batean parte hartzeko.

Kataluniako prozesu independentistaren auzian zigortutako buruzagi politikoen balizko indultuei buruzko eztabaida eta ika-mika piztuta dagoela joango da Sanchez Bartzelonara.

 

Hau zure interesekoa bada, baliteke beste gai hauek ere izatea
Katalunia Politika Espainiako Gobernua Pedro Sánchez Eguneko albisteak Albisteak Pere Aragonès Kataluniako Gobernua