Politika -

Heriotza

Alberto Lodeiro PSE-EEren Barakaldoko zinegotzia hil da

2020ko abenduaren 30ean hartu zuen kargua, eta Barakaldo Kirolean, Usoa Lantegian eta Eretza udal hirigintza elkartean parte hartu zuen.

Alberto Lodeiro, PSE-EEren zinegotzia Barakaldon. Argazkia: EITB
Alberto Lodeiro, PSE-EEren zinegotzia Barakaldon. Argazkia: EITB
Alberto Lodeiro, PSE-EEren zinegotzia Barakaldon. Argazkia: EITB

agentziak | eitb media

Whatsapp Facebook Twitter Telegram Email

Barakaldoko Udaleko PSE-EEren udal-taldeak jakinarazi du Alberto Lodeiro zinegotzia hil egin dela, 45 urte zituela, eta doluminak helarazi dizkie senide eta lagunei.

Alfredo Retortillo udal-taldeko bozeramaileak azpimarratu du Lodeirok "zerbitzu publikorako bokazioa" zuela, hala erakutsi zuela "bere ibilbide profesionalean, irakaskuntzari eta kirolari lotuta", eta horregatik iritsi zela udal politikara: "Barakaldoko herritarrei laguntzeko".

Lodeirok 2020ko abenduaren 30ean hartu zuen zinegotzi kargua. Enpresen Zuzendaritzan eta Administrazioan lizentziaduna, herriko eskola batean zen irakasle DBHn eta Batxilergoan.

Barakaldo Udalean, PSE-EEren ordezkaria zen Barakaldo Kirolean, Usoa Lantegian eta Eretza udal hirigintza elkartean.

Hau zure interesekoa bada, baliteke beste gai hauek ere izatea
Politika Bizkaia Barakaldo PSE-EE Eguneko albisteak Albisteak