250 preso aske uzteko exijitu dio Etxeratek Rajoyri

Etxerat presoen senideen elkarteak legediaren arabera aske egon behar luketen 250 preso libre uzteko exijitu dio gaur Mariano Rajoy Espainiako presidenteari eta "presoen eskubideak errespetatzeko borondatea" eskatu dio PPren Gobernu berriari.

Eman daitezkeen "mugimendu politikoengan" konfiantza gutxi daukatela nabarmendu dute Etxerateko ordezkariek. "Alderdikeriak" alde batera uzteko deia egin dute eta Espainiar Estatuko espetxe politika ezer ere ez dela aldatu nabarmendu dute. Frantzian, egoerak okerrera egin duela salatu dute.

Dispertsioa bertan behera uzteko exijitu diote Rajoyren Gobernuari Mattin Troitiño eta Miren Ganboa ordezkariek. Gogoratu dutenez, urtarrilaren 7an, 110.000 lagunek parte hartu zuten presoen aldeko manifestazioan, Bilbon. Espainiak eta Frantziak eskaera horien aurrean "begiak itxi dituztela" salatu dute.

Zentzu horretan, 250 preso aske uzteko eskatu diote Rajoyri: Horietatik 73k zigorra "erabat" bete dutela nabarmendu dute, eta beste 150k zigorraren hiru laurden edo bi heren bete dutela. Gainerako presoak gaixorik daudela eta zainketa berezia behar dutela azpimarratu dute.

PP Espainiako Gobernura heldu zenetik espetxe politika ez dela ezer aldatu errepikatu dute eta PPk pausorik ez duela eman gaineratu dute.

Etxerat presoen senideen elkarteak legediaren arabera aske egon behar luketen 250 preso libre uzteko exijitu dio gaur Mariano Rajoy Espainiako presidenteari eta "presoen eskubideak errespetatzeko borondatea" eskatu dio PPren Gobernu berriari.Eman daitezkeen "mugimendu politikoengan" konfiantza gutxi daukatela nabarmendu dute Etxerateko ordezkariek. "Alderdikeriak" alde batera uzteko deia egin dute eta Espainiar Estatuko espetxe politika ezer ere ez dela aldatu nabarmendu dute. Frantzian, egoerak okerrera egin duela salatu dute.Dispertsioa bertan behera uzteko exijitu diote Rajoyren Gobernuari Mattin Troitiño eta Miren Ganboa ordezkariek. Gogoratu dutenez, urtarrilaren 7an, 110.000 lagunek parte hartu zuten presoen aldeko manifestazioan, Bilbon. Espainiak eta Frantziak eskaera horien aurrean "begiak itxi dituztela" salatu dute.Zentzu horretan, 250 preso aske uzteko eskatu diote Rajoyri: Horietatik 73k zigorra "erabat" bete dutela nabarmendu dute, eta beste 150k zigorraren hiru laurden edo bi heren bete dutela. Gainerako presoak gaixorik daudela eta zainketa berezia behar dutela azpimarratu dute.PP Espainiako Gobernura heldu zenetik espetxe politika ez dela ezer aldatu errepikatu dute eta PPk pausorik ez duela eman gaineratu dute.